Omakase 初體驗💓🍣
第一次食omakase呀 超級期待🤭
選擇左去朗屏食 壽司之神
其實位置就起B仔涼粉對面
唔算難揾但要由地鐵站行一段路 或者搭的士唔會跳錶🙈
我選擇左嘅set就有12舊壽司 手卷 前菜 湯 同甜品嘅 $1000
價錢雖貴 但值架 等我逐樣介紹下啦🤭
前菜: 螢光魷魚 生粟米 高湯蘿蔔
🌽生粟米 第一次試 本來怕會好硬
原來都幾爽口 同好清甜添呀🤤
🥕高湯蘿蔔 入口清甜 好淋 融化☺️
🦑螢光魷魚係期間限定呀 原來有好多膏 好味道😍
來吧食完前菜就到左我最期待嘅壽司啦‼️
坐定定 睇住師傅做壽司🍣☺️
會先問要唔要wasabi 我要但我朋友唔要的
師傅唔記得左 落左wasabi在朋友舊壽司到
都會立即做過一舊壽司 贊👍🏻
🍣 真鯛 上面嘅一塊小葉係wasabi葉 唔好辣架 但好香🌿 真鯛色澤鮮豔 白肉位置更晶瑩剔透 一睇就知新鮮吧
🍣 平貝 口感不同平時的鮮帶子 比較實一點的
🍣 油金魚 配上柚子黑椒醬 好夾👍🏻
🍣 赤貝 非常爽口 而且切得較厚 所以好有咬口🙈
🍣 平靜魚 口感較爽口 魚味都幾濃
🍣 毛蟹 蟹肉加蟹膏 口感豐富 而且膏味濃郁🤤
🍣 柱貝 細細粒嘅柱貝 有口感 而且好鮮味
🍣 池魚 壽司飯用左赤醋飯 顏色深紅的 入口有好香嘅陳醋味 比起平時的白壽司醋 這個更深得我歡心💓
池魚 𠝹好十字紋 魚鮮味超正 真係好想食多一舊呀🤤
🍣 劍魚 係野生劍魚腩呀 非常紅潤嘅顏色☺️
🍣 燒銀雪魚 這個是新鮮銀雪魚 輕輕燒過 魚油味好香 原來用銀雪魚做壽司別有風味
🍣 金目鯛 之前起某大型壽司連鎖店食過完完全無魚味😢
🍣 小磯魚 這個好似青魚🙈用醋醃制 幾開胃喎💓
🍣 吞拿魚腩 toro toro 😍🤤
係超級肥美嘅toro呀‼️ 呢舊我真係期待左好耐架🙈
果然係壓軸登場 入口即融 略略燒過表面令魚鮨更岀💓
💓 海膽手卷
海膽用左北海道同加拿大兩款 好creamy 海膽味好濃 份量又足👍🏻
🥣 日式洋蔥湯 比較結身嘅湯
食左甘多凍野 整返碗熱辣辣嘅濃湯 好舒服
💓 蜜瓜 來自日本的蜜瓜 清甜爽口 做甜品清清喉嚨 最適合不過
是晚真係超級滿足 每一件壽司都超好味 都係師傳用心做嘅心血結晶🤤
舖頭細細 環境比較幽靜🤫
雖然價錢係貴啲 但偶然食下好野 對自己好啲 好應該吧☺️☺️
🍽 寿司の神
🔎 元朗馬田路安寧大廈20-30B七號地舖
Search